«Nie adkryvajecca nifiha». Biełarusy skardziacca na padazronyja načnyja pieraboi z telehramam i jutubam
Žychary Biełarusi ŭnačy sutyknulisia z maštabnymi prablemami pry sprobie skarystacca papularnymi zamiežnymi servisami. Resursy raptoŭna pierastali zahružacca jak praz mabilny internet, tak i praz stacyjanarnyja sietki.
Žychary roznych rehijonaŭ krainy paviedamlajuć pra načnyja prablemy z suviaźziu. Skryny z sacsietak apublikavaŭ błohier Ihar Łosik, pra padobnyja prablemy ŭ «Našu Nivu» pisali čytačy.
«Biełaruś. Noč, 15 krasavika. Nie pracujuć ni pa Wi-Fi, ni praz mabilnuju suviaź ni «Tieleha», ni VPN».
«Čamu pamior telehram i jutub?»
«Jakoha marakuja ŭ Biełarusi internet pačaŭ pa načach kłaścisia spać?»
«Jutub u RB usio? Nie adkryvajecca nifiha».
«Chat GPT da pabačeńnia ŭžo druhi dzień. Pryčym teleha taksama».
Pry hetym niekatoryja karystalniki źviarnuli ŭvahu na dziŭnuju vybiralnaść zbojaŭ: u toj čas jak adnyja servisy byli niedastupnyja, inšyja internet-resursy i sacyjalnyja sietki (naprykład, instahram) praciahvali pracavać u štatnym režymie.
Adzinym dziejsnym sposabam adnavić dostup da YouTube staŭ VPN.
U sacyjalnych sietkach abmiarkoŭvajuć, što pravajdary mohuć pravodzić techničnyja vyprabavańni sistem filtracyi trafiku, padobnyja da tych, što vykarystoŭvajucca ŭ Rasii.
Niekatoryja kamientatary adznačajuć, što padobnaja situacyja nazirajecca ŭžo nie pieršuju noč za apošnija dva tydni.
Aficyjnych kamientaroŭ ad dziaržaŭnych orhanaŭ ci internet-pravajdaraŭ adnosna pryčyn načnych zbojaŭ niama.