Biełaruska z dvuma dziećmi ŭ Polščy ŭražanaja, kolki ludziej adhuknulisia na jaje historyju i dapamahli. I vielmi dziakuje čytačam «Našaj Nivy»
«Ja ciapier mahu nie tolki vyžyvać, ale i choć krychu vydychnuć».
Fota z fejsbuku Alaksandry
Niekalki dzion tamu «Naša Niva» raspaviała historyju biełaruski Alaksandry Kruk — maci dvuch dziaŭčynak, jakaja apynułasia ŭ składanaj žyćciovaj situacyi i była vymušanaja prasić dapamohi.
Alaksandra źjechała ź Biełarusi ŭ 2021 hodzie — ciažarnaja, z adnym dziciom na rukach i adnym čamadanam. U Polščy jana pačynała žyćcio z nula: naradziła druhuju dačku, pieražyła ankałohiju, razvod i zaciažnuju baraćbu za alimienty ad byłoha muža.
Siońnia jana žyvie ŭ Hdańsku i znoŭ apynułasia ŭ ciažkaj situacyi: uładalniki kvatery paprasili jaje źjechać. Alaksandry treba było terminova raźličycca z daŭhami, znajści novaje žyllo, arhanizavać pierajezd i chacia b krychu času, kab adnavicca.
Na hety zaklik adhuknułasia šmat ludziej. Takaja chvala padtrymki i salidarnaści vielmi ŭraziła i kranuła Alaksandru. Publikujem jaje słovy ŭdziačnaści čytačam «Našaj Nivy».
«Kali vychodziŭ tekst, ja nie viedała, što budzie dalej.
Ja prosta była ŭ situacyi, kali nie razumieješ, dzie budzieš žyć zaŭtra, jak apłacić kvateru i što rabić, kali stanie horš sa zdaroŭjem. Ja prasiła dapamohi i nie viedała, ci niechta adhukniecca.
Adhuknulisia.
U dzień vychadu majoj historyi šmat chto rabiŭ reposty ŭ fejsbuku, dapamoha išła z roznych bakoŭ. U vyniku sabrałasia kala 15 tysiač złotych (12 tysiač rubloŭ ci 3500 jeŭra — NN), i heta padtrymka ad vielmi mnohich ludziej.
Pieršaje, što ja zrabiła, — apłaciła novuju kvateru i całkam raźličyłasia za staruju. Heta było samaje važnaje: zrazumieć, što ŭ nas ciapier jość dach nad hałavoj.
Ale razam z hetym pryjšło jašče niešta vielmi važnaje — mahčymaść papravić svajo zdaroŭje.
Ciapier ja płanuju špitalizacyju. Raniej ja admaŭlałasia, bo nie mieła vybaru: nie było z kim pakinuć dziaciej i nie było razumieńnia, dzie my budziem žyć, jak i na što, kali ja lahu ŭ balnicu. Ciapier hety vybar źjaviŭsia. I navat znajšłasia dziaŭčyna, jakaja hatovaja pryjechać i pažyć z maimi dziećmi, pakul ja budu ŭ balnicy. Hrošy, jakija zastalisia ad zboru, ja vykarystaju na arendu žylla na čas lačeńnia.
Mnie vielmi chaciełasia skazać hałoŭnaje.
Ja vielmi ŭdziačnaja vam.
Za kłopat. Za toje, što vy dali mnie mahčymaść adnavicca i dalej kłapacicca pra maich dziaciej. Za toje, što ja ciapier mahu nie tolki vyžyvać, ale i choć krychu vydychnuć.
Mianie vielmi pryjemna ździvili čytačy «Našaj Nivy» — svajoj spahadlivaściu, dabrynioj i razumieńniem. Dziakuj vam vialiki».
Kali vy taksama chacieli b jašče padtrymać Alaksandru, heta možna zrabić tak:
Blik: +48 791 547 275, paznačajcie darowizna
Aliaksandra Kruk
Revolut: LT60 3250 0370 8648 5162
Aliaksandra Kruk
PayPal: sanechka147@gmail.com