Pad Minskam dva čałavieki raźbilisia na deltapłanie
Dniom 14 krasavika kala vioski Aziarco ŭ Minskim rajonie adbyłasia avaryja motadeltapłana «Frehat». U vyniku zdareńnia zahinuli dva čałavieki — 45‑hadovy piłot i 26‑hadovaja pasažyrka, paviedamiŭ Śledčy kamitet.
Skrynšot ź videa
Pavodle papiarednich źviestak, padčas palotu piłot straciŭ kantrol nad aparatam. Sa słoŭ śviedak, paśla naboru vyšyni deltapłan pačaŭ rezka padać uniz.
Abstaviny avaryi ciapier vyśviatlajucca.
Motadeltapłan «Frehat». Fota ilustracyjnaje
Paśla katastrofy na miescy pracujuć śledčyja Minskaha rajonnaha adździeła i abłasnoha ŭpraŭleńnia SK. Jany pravodziać ahlad terytoryi, fiksujuć ślady zdareńnia z vykarystańniem pierasoŭnaj kryminalistyčnaj łabaratoryi i śpiecyjalistaŭ.