Minzdaroŭja anansavała mabilny dadatak, praź jaki možna budzie zapisacca da doktara i zamović miedpasłuhi
U Biełarusi raspracoŭvajecca mabilny dadatak, jaki pavinien spraścić žyćcio hramadzianam pry zvarocie ŭ balnicy i palikliniki.
Płanujecca, što ŭ 2027 hodzie taki dadatak budzie dastupny dla spampoŭvańnia, piša BiełTA.
Jak raspavioŭ zahadčyk siektara prahramna-infarmacyjnaha zabieśpiačeńnia Ministerstva achovy zdaroŭja Viktar Sidarenka ŭ prajekcie «Kraina havoryć», rabočaja nazva prajekta — «Majo zdaroŭje».
Z dapamohaj prykładańnia možna budzie zapisacca na pryjom da doktara, pahladzieć svaje nakiravańni, zamović miedycynskija pasłuhi, atrymać vypisku z dakumientaŭ i h.d. Akramia taho, tam možna budzie prahladzieć infarmacyju pra svaje balničnyja.
Dadatak, pa sutnaści, stanie častkaj šyroka anansavanaj Centralizavanaj infarmacyjnaj sistemy achovy zdaroŭja, jakuju płanavali ŭvieści ŭ ekspłuatacyju jašče ŭ studzieni.