U minskim aeraporcie pa viartańni z Hruzii zatrymali fatohrafa Alaksandra Šyško
Šyško byŭ zatrymany ŭ krasaviku 2026 hoda. Infarmacyja pra heta apublikavanaja na sajcie prajekta Dissidentby, «Pozirku» jaje paćvierdziŭ pravaabaronca Raman Kiślak.
«Alaksandr žyŭ u Tbilisi minimum z 2022 hoda. Čamu jon viarnuŭsia ŭ Biełaruś, skazać składana, mahčyma, sumavaŭ pa radzimie, rodnych. Dumaju, praličyŭsia nakont ryzyki zatrymańnia, dumaŭ, što praskočyć», — skazaŭ Kiślak.
Pravaabaronca adznačyŭ, što paśla Dnia Voli 2024 hoda prapahandysty pačali zhadvać Šyško u svaich materyjałach.
«Nakolki ja viedaju, kryminalnaja sprava raspačataja pa fakcie praviadzieńnia Dzion Voli za miažoj, i ŭ miežach hetaj spravy ŭ Biełarusi ŭ jaho kvatery pravodziŭsia vobšuk», — dadaŭ Kiślak.