Biełarusy ŭsio bolš achvotna kuplajuć pustyja chaty ŭ vioskach
U pieršym kvartale 2026 hoda ŭ Biełarusi prykmietna vyras popyt na pustyja damy. Pavodle źviestak Nacyjanalnaha kadastravaha ahienctva, za hety pieryjad 431 taki abjekt atrymaŭ novych uładalnikaŭ, paviedamlaje pres-słužba Dziaržkammajomaści.
Zdymak ilustracyjny. Fota: «Naša Niva»
262 chaty byli nabytyja pramymi ździełkami biez udziełu aŭkcyjonaŭ, a jašče 169 — pradadzienyja praz tarhi. Asobna adznačajecca, što amal 248 abjektaŭ znajšli pakupnikoŭ za minimalnuju canu, roŭnuju adnoj bazavaj adzincy.
Pa rehijonach najbolš aktyŭna damy kuplali ŭ Minskaj vobłaści — 118 abjektaŭ. Dalej iduć Hrodzienskaja (107), Mahiloŭskaja (64), Bresckaja (61), Viciebskaja (60) i Homielskaja (21) vobłaści.
Ahułam adznačajecca tendencyja rostu cikavaści da pustych damoŭ. Ich usio čaściej razhladajuć nie tolki jak varyjant dla pastajannaha pražyvańnia, ale i jak lecišča, miesca dla pierajezdu za horad abo mahčymaść nabyć niedarahoje žyllo dla ramontu i adaptacyi pad ułasnyja patreby.
Čytajcie taksama:
U Navahrudku na haryščy znajšli frahmient jaŭrejskaha pierhamienta XVIII stahodździa
Žycharka Miadzielskaha rajona ŭ kancy sakavika naźbirała žuravinaŭ
Biełaruski padletak viadzie tyktok pra žyćcio na chutary i sabraŭ amal 400 tysiač padpisčykaŭ