Biełaruskich spartoŭcaŭ dapuścili da darosłych spabornictvaŭ sa ściaham i himnam
Mižnarodnaja fiederacyja płavańnia (World Aquatics) źniała abmiežavańni z rasijskich i biełaruskich darosłych spartsmienaŭ i dapuściła ich da mižnarodnych spabornictvaŭ sa ściaham i himnam krainy.
«U adpaviednaści z rašeńniem Suśvietnaha biuro vodnych vidaŭ sportu i pa ŭzhadnieńni z Padraździaleńniem zabieśpiačeńnia sumlennaści ŭ vodnych vidach sportu i Suśvietnym kamitetam spartsmienaŭ pa vodnych vidach sportu, kirujučyja pryncypy ŭdziełu spartsmienaŭ u spabornictvach u vodnych vidach sportu ŭ pieryjad palityčnaha kanfliktu bolš nie buduć prymianiacca da darosłych spartsmienaŭ ź biełaruskim abo rasijskim spartyŭnym hramadzianstvam. Darosłyja spartsmieny ź biełaruskim abo rasijskim spartyŭnym hramadzianstvam zmohuć udzielničać u spabornictvach pa vodnych vidach sportu naraŭnie sa svaimi kalehami, jakija pradstaŭlajuć inšyja spartyŭnyja nacyjanalnaści, u adpaviednaj formie, sa ściahami i himnami», — havorycca ŭ apublikavanaj na sajcie arhanizacyi zajavie.