U Minsku piensijanier ukraŭ kala kramy dziciačy samakat
Pačałosia ŭsio z taho, što 11‑hadovy školnik pakinuŭ samakat kala viełaparkoŭki pry mahazinie i zabyŭsia jaho zabrać. Technika stajała tam niekalki dzion, piša ahienctva «Minsk-Naviny».
Zdymak ilustracyjny. Fota: «Naša Niva»
68‑hadovy piensijanier, jaki išoŭ u kramu pa cyharety, zaŭvažyŭ samakat na zvarotnym šlachu. Jon pacikaviŭsia ŭ znajomaha, kamu jon naležyć, ale toj nie viedaŭ. Paličyŭšy, što reč nikomu nie patrebnaja, mužčyna vyrašyŭ zabrać jaje i zdać u punkt pryjomu druhasnaj syraviny.
Paźniej samakat byŭ znojdzieny milicyjaj u jaho doma i viernuty ŭładalniku. Maci dziciaci źviarnułasia ŭ milicyju.
Sud pryznaŭ piensijaniera vinavatym u kradziažy. Jon całkam pryznaŭ vinu i raskajaŭsia. U vyniku jamu pryznačyli štraf, a taksama abaviazali prajści prymusovaje lačeńnie ad chraničnaha ałkahalizmu.
Čytajcie taksama:
U Minsku dźvie dziaŭčynki trapili pad mašynu, jedučy udvoch na adnym samakacie
U Minsku źjaviacca novyja praviły dla šerynhavych samakataŭ i rovaraŭ
Dźvie 13‑hadovyja školnicy špitalizavanyja paśla DTZ z samakatam i BMW u Tarasavie
DAI: Kali aŭto, vyjazdžajučy z dvara, sabje samakat, to vinavatym pryznajem samakatčyka