U Isłamabadzie pačaŭsia pieršy raŭnd pieramovaŭ pamiž ZŠA i Iranam
«Ja paviedamlu vam vielmi chutka. Heta nie zojmie šmat času», — skazaŭ Donald Tramp.
Fota: Jacquelyn Martin — Pool / Getty Images
U Pakistanie pačaŭsia pieršy raŭnd pieramovaŭ pamiž ZŠA i Iranam. Pra heta paviedamiŭ Donald Tramp.
«Ja paviedamlu vam vielmi chutka. Heta nie zojmie šmat času»,— skazaŭ jon, razvažajučy pra toje, ci budzie Iran ščyrym na pieramovach.
Sustreča prachodzić pry pasiarednictvie premjer-ministra Pakistana Šachbaza Šaryfa.
Raniej jon sustreŭsia ź iranskaj delehacyjaj na čale sa śpikieram parłamienta Machamiedam Bahieram Halibafam i ministram zamiežnych spraŭ Abasam Arahčy. Zatym — z amierykanskaj delehacyjaj, u jakuju ŭvajšli vice-prezident Džej Dzi Vens, śpiecpasłańnik prezidenta Styŭ Uitkaf i ziać Donalda Trampa Džared Kušnier.