Pieramovy ZŠA i Irana pačnucca ź niepramoha farmatu
Pieramovy startujuć siońnia ŭ Isłamabadzie.
Isłamabad. Fota: Asad Zaidi / Bloomberg via Getty Images
Pieramovy pamiž ZŠA i Iranam u Isłamabadzie pačnucca z dyjałohu praz pasiarednikaŭ, paśla čaho adbuducca pramyja kansultacyi, paviedamlaje CNN sa spasyłkaj na krynicy.
Pavodle surazmoŭcy vydańnia, baki, vierahodna, uzhodniać paradak dnia pieramovaŭ praz pasiarednikaŭ z Pakistana. Zatym, jak čakajecca, jany pierajduć da asabistych sustreč paźniej u toj ža dzień.
Jak vyśvietliła The Washington Post, amierykanskija pieramoŭščyki źviernucca da Irana z prośbaj vyzvalić zatrymanych hramadzian ZŠA.
Pavodle krynic, pakul niezrazumieła, nakolki žorstka pradstaŭniki administracyi Trampa buduć cisnuć na Tehieran z metaj ich vyzvaleńnia, adnak niekatoryja ź ich vykazali aściarohu, što ŭ vypadku składanaściaŭ u pieramovach hetaje patrabavańnie moža być adkładziena.
Iranskaja delehacyja ŭžo prybyła ŭ Isłamabad. Staršynia parłamienta Irana Machamied Bahier Halibaf, jaki ŭznačalvaje delehacyju, zajaviŭ, što Tehieran u vypadku padmanu z boku Vašynhtona na budučych pieramovach u Isłamabadzie — daść adpaviedny adkaz.