U «Miednikach» litoŭskija pažarniki pa prośbie mytnikaŭ raśpiłavali aŭtamabil kantrabandysta
U chodzie razborki aŭtamabila byli adkryty tajniki z kantrabandaj.
Na pamiežnym kantrolna-prapusknym punkcie «Miedniki» pa prośbie mytnikaŭ pažarnyja raśpiłavali aŭtamabil kantrabandysta, piša LRT.
Mytny departamient u piatnicu paviedamiŭ, što na pačatku sakavika aŭtamabil Toyota Corolla Verso, na jakim hramadzianin Biełarusi ŭjechaŭ u Litvu, vyklikaŭ padazreńni ŭ supracoŭnikaŭ, tamu mašynu pravieryli z dapamohaj renthienaŭskaj sistemy. U vyniku ŭ piaredniaj častcy aŭtamabila byli vyjaŭleny staranna abstalavanyja tajniki z cyharetami.
Pry detalovym ručnym ahladzie stała vidavočna, što cyharety schavanyja vielmi staranna: tajniki znachodzilisia tak hłyboka, što dabracca da ich zvyčajnymi srodkami nie ŭdałosia.
Uličvajučy składanaść situacyi, mytniki źviarnulisia da supracoŭnikaŭ viedamstva pažarnaj achovy i vyratavańnia, jakija z dapamohaj śpiecyjalnaha abstalavańnia pačali demantaž aŭtamabila.
U chodzie razborki aŭtamabila byli adkryty tajniki z kantrabandaj. Usiaho vyjaŭlena 850 pačkaŭ cyharet koštam 4,4 tysiačy jeŭra. Taksama zatrymany sam aŭtamabil, košt jakoha aceńvajecca ŭ 1,8 tysiačy jeŭra. U dačynieńni da kiroŭcy składzieny pratakoł ab administracyjnym pravaparušeńni.