Duraŭ nazvaŭ šyfravańnie ŭ WhatsApp «najbujniejšym padmanam karystalnikaŭ u historyi»
Pavodle zasnavalnika Telegram, kampanija Meta uvodzić u zman miljardy karystalnikaŭ, bo nibyta «čytaje paviedamleńni karystalnikaŭ i pieradaje ich trecim asobam».
«Telegram nikoli hetaha nie rabiŭ — i nikoli nie budzie», — napisaŭ Duraŭ u svaim anhłamoŭnym telehram-kanale.
Da pasta jon dadaŭ skrynšot naviny pra padaču kalektyŭnaha pazovu suprać Meta. Pazoŭniki śćviardžajuć, što supracoŭniki kampanii majuć pramy dostup da asabistych paviedamleńniaŭ karystalnikaŭ.
Pavodle ich viersii, dla hetaha vykarystoŭvajecca bekdor (naŭmysnaja ŭraźlivaść u kodzie dla schavanaha dostupu), pra jaki Meta nie paviedamlaje, choć publična zajaŭlaje pra nadziejnuju abaronu dadzienych.