Raniej nieviadomyja detali zvanka Mierkiel Cichanoŭskaj

Hałoŭny daradca Śviatłany Cichanoŭskaj Franak Viačorka padzialiŭsia ŭ sacsietkach padrabiaznaściami taho, jak u 2021 hodzie tahačasnaja fiederalnaja kanclerka Hiermanii Anhieła Mierkiel paśla taho, jak u razhar mihranckaha kryzisu na miežach Biełarusi z krainami Jeŭrasajuza parazmaŭlała z Łukašenkam, źviazałasia i ź Cichanoŭskaj.

Śviatłana Cichanoŭskaja padčas razmovy z Anhiełaj Mierkiel. Skrynšot ź videa

«Mierkiel zvaniła Łukašenku dvojčy ŭ 2021. Meta była — spynić hibrydnyja ataki Łukašenki na Jeŭrasajuz.

Na žal, toj zvanok nie tolki nie pryvioŭ da niejkaha vyniku, ale ŭ vyniku pryniziŭ i kanclerku, i Jeŭropu. U hetym i była meta Łukašenki. Łuka vystaviŭ ultymatum, a mihrantaŭ jak pasyłaŭ raniej, tak i praciahnuŭ pasyłać.

Paśla kanclerka pazvaniła Cichanoŭskaj i raspaviała detali. U jaje sapraŭdy byli vysokija mety i spadziavańnie, što razmovaj možna paŭpłyvać na Łukašenku. Mierkiel pytałasia Cichanoŭskuju pra Siarhieja [Cichanoŭskaha] i Mašu [Kaleśnikavu], chacia ŭ razmovie z Łukašenkam pytańnie palitviaźniaŭ nie padymała.

Vykazała dumku, što Rasieja nie adpuścić Łukašenku i budzie ŭsialak nam zaminać. Havaryła taksama, što Łukašenka sprabuje unieści raskoł u pazicyju Jeŭropy. Užo tady Pucin razam z Łukašenkam rychtavalisia da vajny», — piša Franak Viačorka.

Kamientary da artykuła