U Minsku mužčyna niedarečna zahinuŭ, ramantujučy ŭnitaz
Syn, pryjšoŭšy dachaty, znajšoŭ u prybiralni pamierłaha baćku.
Napiaredadni trahiedyi mužčyna sprabavaŭ samastojna vyśvietlić pryčynu praciakańnia trub u prybiralni.
Padčas ahladu kamunikacyj mužčyna straciŭ raŭnavahu i ŭpaŭ hałavoj uniz u santechničnuju nišu, raźmieščanuju za ŭnitazam, dzie prachodzić kamunikacyjny ščytok.
U vyniku padzieńnia mužčyna byŭ zabłakavany i nie zmoh samastojna vybracca, paviedamlaje Dziaržkamitet sudovych ekśpiertyz.
Pavodle vynikaŭ sudova-miedycynskaj ekśpiertyzy ŭstanoŭlena, što śmierć mužčyny nastupiła ad miechaničnaj aśfiksii.
Hety stan uźnik u vyniku praciahłaha znachodžańnia cieła ŭ vymušanaj pozie (viertykalnaje stanovišča cieła hałavoj uniz), što pryviało da abmiežavańnia dychalnych ruchaŭ praź cisk unutranych orhanaŭ brušnoj połaści na dyjafrahmu, a taksama da ŭskładnieńnia vianoznaha adtoku kryvi ad hałavy i vierchniaj častki tułava.