Pamior słavuty futbolny trenier Mirča Łučesku

Pajšoŭ z žyćcia lehiendarny rumynski trenier Mirča Łučesku. Jamu było 80 hadoŭ.

Mirča Łučesku. Fota: AP Photo/Petros Karadjias

Mirča Łučesku ŭ roznyja hady treniravaŭ italjanskija «Pizu», «Brešya», «Redžanu» i «Inter», tureckija «Hałatasaraj» i «Biešyktaš», kijeŭskaje «Dynama» i daniecki «Šachcior», u siezonie-2016/17 uznačalvaŭ «Zienit». Na ŭzroŭni zbornych Łučesku pracavaŭ z nacyjanalnymi kamandami Rumynii i Turcyi.

U siezonie-2008/09 jon pryvioŭ daniecki «Šachcior» da pieramohi ŭ Kubku UEFA.

Łučesku špitalizavali ŭ kancy sakavika paśla taho, jak jon straciŭ prytomnaść na treniroŭcy zbornaj Rumynii pa futbole. 2 krasavika jon pakinuŭ pasadu hałoŭnaha treniera nacyjanalnaj kamandy. Paźniej trenier pieranios vostry infarkt. U niadzielu Łučesku ŭviali ŭ štučnuju komu z-za paharšeńnia stanu zdaroŭja. Uratavać jaho tak i nie zdoleli.

Kamientary da artykuła