Prahramy biełaruskaha Alfa Banka źnikli z kramy Google Play

Mabilnyja dadatki biełaruskaha Alfa Banka źnikli z kramy Google Play. Havorka idzie pra INSNC i «Alfa Biźnies Mobajł 2.0», paviedamili ŭ banku.

Zdymak ilustracyjny. Fota: «Naša Niva»

Heta aznačaje, što bolšaść karystalnikaŭ Android ciapier nie zmohuć pastavić hetyja prahramy abo atrymlivać abnaŭleńni praz aficyjny servis.

U banku paviedamili, što ŭžo raźbirajucca ŭ situacyi. Pry hetym padkreślili, što prablema nie zakranaje karystalnikaŭ Huawei z AppGallery i RuStore.

Tym, u kaho prahramy ŭžo ŭstalavanyja, chvalavacca nie treba — jany praciahnuć pracavać. Ale dla abnaŭleńnia bankaŭskija śpiecyjalisty rajać vydalić staruju viersiju i spampavać novuju z aficyjnaha sajta banka.

Kali ž dadatak źnik abo ŭ čałavieka novy telefon, jaho taksama prapanujuć ustalavać niepasredna z sajta. U banku śćviardžajuć, što hetyja viersii ničym nie adroźnivajucca ad tych, što byli ŭ Google Play — ni pa funkcyjach, ni pa biaśpiecy.

Jašče ŭ kancy 2025 hoda bank trapiŭ pad sankcyi ZŠA. Paśla hetaha jaho prahramy taksama źnikli z App Store dla karystalnikaŭ iPhone.

Kamientary da artykuła