«Hartaŭ tyktok i pabačyŭ, jak žančyna raskazvaje pra machlaroŭ». Minčuk ledź nie staŭ kurjeram telefonnych ašukancaŭ
Ale svaje 40 tysiač rubloŭ jon straciŭ.
53‑hadovy minčuk pavieryŭ psieŭdasupracoŭnikam «Vodakanała» i pradyktavaŭ kod z sms-paviedamleńnia, paviedamlaje minskaja milicyja.
Zatym ź im źviazalisia psieŭdapracaŭniki KDK i paviedamili, byccam by machlary zavałodali jaho ličbavym podpisam i aformili na jaho imia kredyt. Kab anulavać hetu pazyku, mužčynu paraili samomu ŭziać lustrany kredyt na takuju ž sumu.
Pavieryŭšy ŭ toje, što jamu dapamahajuć supracoŭniki pravaachoŭnych orhanaŭ, mužčyna pajšoŭ u bank i ŭziaŭ kredyt na 40 tysiač rubloŭ. Paśla hetaha jon sustreŭsia z žančynaj, jakuju ličyŭ kurjeram Nacyjanalnaha banka, i pieradaŭ joj usie hrošy nibyta dla vypłaty kredytu.
Praź niekatory čas machlary znoŭ patelefanavali minčku i prapanavali stać ich kurjeram. Jon pahadziŭsia.
Adnak jašče da atrymańnia pieršaha zakazu jon ubačyŭ u sacsietcy videarolik ad supracoŭnikaŭ minskaj milicyi, u jakim achviara anałahičnaj schiemy machlarstva raskazvała svaju historyju.
Tady mužčyna zrazumieŭ, što ŭciahnuty ŭ złačynstva, i źviarnuŭsia ŭ milicyju.