19‑hadovy Illa Protas vyklikany ŭ asnoŭny skład «Vašynhtona»
Forvard moža stać 19‑m biełarusam u Nacyjanalnaj chakiejnaj lizie
Illa byŭ uletku ŭ trenirovačnym łahiery «Vašynhtona», ale ŭ vyniku jaho adpravili ŭ farm-kłub. Fota: NHL.com
19‑hadovy biełaruski forvard Ilja Protas vyklikany ŭ asnoŭny skład «Vašynhton Kepitałz», paviedamlaje pres-słužba kłuba.
U hetym siezonie małodšy brat forvarda «Vašynhtona» Alaksieja Protasa debiutavaŭ u Amierykanskaj chakiejnaj lizie, dzie nabraŭ 62 (28+34) bały ŭ 66 matčach za «Chieršy», dzie źjaŭlajecca i najlepšym i pa hałach i pa bałach (hoł+pas).
Siarod usich chakieistaŭ ACHŁ Protas zajmaje šostaje miesca pa bałach, šostaje — pa kolkaści hałoŭ i siomaje — pa hałach u bolšaści (10).
Kali Illa debiutuje za «Vašynhton», to stanie 19‑m biełarusam u Nacyjalnaj chakiejnaj lizie z 1992 hoda. U hetym siezonie ŭ NCHŁ hulajuć siamiora biełarusaŭ.
«Vašynhton» zmahajecca za traplańnie ŭ płej-of (Kubak Stenli). Pakul zajmaje 12‑y radok va Uschodniaj kanfierencyi (kab trapić u płej-of, treba być vośmymi), adstavańnie składaje try bały.
Taksama intryha, ci dahonić Alaksandr Aviečkin Uejna Hrecki pa kolkaści hałoŭ u NCHŁ z ulikam Kubka Stenli (u minułym hodzie rasijanin pierahnaŭ kanadca pa hałach u rehularnych čempijanatach).
Da zaviaršeńnia rehularnaha čempijanatu zastałosia pravieści čatyry matčy. Nastupny matč «Vašynhton» zhulaje z «Taronta» ŭ noč na čaćvier pa biełaruskim časie.