Na śviaty Biełaruskaja čyhunka pryznačyć bolš za 40 dadatkovych ciahnikoŭ

Biełaruskaja čyhunka ŭ pieryjad krasavickich i majskich śviat płanuje pavialičyć kolkaść ciahnikoŭ, kab spravicca z rostam pasažyrapatoku.

Zdymak ilustracyjny. Fota z sacsietak

Z 17 krasavika da 10 maja budzie pryznačana 44 dadatkovyja ciahniki. Ź ich 36 buduć kursavać pa ŭnutranych maršrutach — najpierš pamiž Minskam i takimi haradami, jak Brest, Homiel, Mahiloŭ i Pinsk.

Jašče 8 ciahnikoŭ pryznačanyja dla mižnarodnych napramkaŭ — u bok Sankt-Pieciarburha i Maskvy.

Najbolšaja kolkaść dadatkovych rejsaŭ zapłanavanaja na dni z najbolšym popytam: 17, 21 i 30 krasavika, a taksama 3 maja.

U čyhuncy adznačajuć, što rabota pa dadatkovych ciahnikach praciahvajecca. Kali popyt budzie raści, mohuć pavialičyć kolkaść miescaŭ i ŭ zvyčajnych rejsach.

Takija miery patrebnyja, kab pasažyry mahli biez prablem dabracca ŭ śviatočnyja dni i paźbiehnuć pierapoŭnienaści transpartu.

Kamientary da artykuła