U babrujskaha ziefiru ź liniejki zdarovaha charčavańnia prajaviŭsia pasłablalny efiekt
Biełaruska ź nikam kristinavilain_2.0 raskazała ŭ Threads pra pabočny efiekt ad ziefiru NanoFit ad babrujskaha «Čyrvonaha charčavika», zaŭvažyli «Mocnyja naviny».
Fota: threads.com/@kristinavilain_2.0
Pa słovach dziaŭčyny, jana źjeła ŭsiaho adnu ziefirku, paśla čaho ŭ jaje «sutki baleli ŭsie kiški». U svaim paście dziaŭčyna zadałasia rytaryčnym pytańniem — a što ž budzie z tymi, chto źjeŭ paŭpačka?
Babrujski vytvorca, da jakoha aŭtar publična źviarnułasia, nie pakinuŭ skarhu biez adkazu. Dziaŭčynie prynieśli prabačeńni za niepryjemny vopyt ź ich pradukcyjaj i padrabiazna patłumačyli, čym vyklikany taki efiekt.
«Asnoŭnym zamieńnikam cukru ŭ našaj pradukcyi źjaŭlajecca maltyt, jaki moža vyklikać dyskamfort, taki jak mietearyzm i dyjareja, asabliva pry vysokim spažyvańni», — patłumačyli ŭ kampanii.
Čytajcie taksama:
Biełaruska jeła babrujski ziefir i znajšła ŭ im kavałački dreva
U Maładziečnie adkryvajuć zavod, dzie buduć vypuskać pradukt, pra jaki vy nie čuli
Što takoje łachardziki, jakija tak lubiać na ŭschodzie Biełarusi