Vychodzić pa-biełarusku śmiešnaja dziciačaja kniha finskaha piśmieńnika

Vydaviectva Gutenberg Publisher anansavała vychad pa-biełarusku knihi dla dziaciej finskaha piśmieńnika Tyma Parveła «Pate hulaje ŭ futboł». Pierakład z aryhinału zrabiŭ Jury Łaškievič. Biełaruskim maleńkim čytačam piśmieńnik Tyma Parveł viadomy pa knizie «Eła i siabry», piša Bellit.info.

Pate, jaki byŭ adnym ź siabroŭ Eły, hetym razam viartajecca jak hałoŭny hieroj novaj knihi. Reč u tym, što Pate nie ŭziali ŭ futbolnuju kamandu. Tamu jon choča stvaryć svaju ŭłasnuju i zaprasić tudy Mesi, Ranałdu i Złatana, chacia ź imi dosyć ciažka źviazacca. Na ščaście, Pate znachodzić pryjacielaŭ, ź jakimi, mahčyma, udasca sabrać kamandu. Ale ci zdolnyja trochłapy sabaka, dzievianostahadovy susied Ejna i mužčyna z torbaj stać vydatnymi futbalistami?

«Pate hulaje ŭ futboł» — heta zajmalnaje viasiołaje čytvo ŭ miakkaj vokładcy i z čorna-biełymi ilustracyjami.

Zakazać knihu možna prosta ciapier praz sajt vydaviectva: Gutenbergpublisher.eu.

Kamientary da artykuła