Haradskija ŭłady abviarhajuć infarmacyju pra vybuchi ŭ Mahilovie
U Ministerstvie pa nadzvyčajnych situacyjach i milicyi prakamientavali infarmacyju pra nibyta načnyja vybuchi ŭ rajonie Zadniaproŭje.
U sacyjalnych sietkach pisali, što miž 23:00 i 23:30 2 krasavika ŭ Mahilovie čuli dva vybuchi. Huk danosiŭsia z boku Zadniaproŭja.
Miascovyja ŭłady ŭ vyniku adreahavali na infarmacyju.
«MNS i UUS aficyjna paviedamlajuć, što nijakich nadzvyčajnych padziej u Zadniaproŭi nie nazirajecca. Paviedamleńni pra latajučyja drony i vybuchi 2 krasavika pamiž 23:00 i 23:30 paćvierdžańnia nie znajšli», — zaznačajecca ŭ paviedamleńni haradskich uładaŭ.