Na Homielščynie ŭžo pačali adklučać aciapleńnie — pieršymi ŭ krainie
U Biełarusi pačali pastupova adklučać aciapleńnie. Pieršymi pra zaviaršeńnie aciaplalnaha siezona paviedamili ŭ Homieli i Mazyry.
Zdymak ilustracyjny. Fota: «Naša Niva»
U hetych haradach padaču ciapła ŭžo spynili ŭ roznych ustanovach, pradpryjemstvach i administracyjnych budynkach. Kamunalnyja słužby pieravodziać sistemy na letni režym pracy.
Takoje rašeńnie pryniali, bo nadvorje stała ciopłym: siaredniaja tempieratura na praciahu niekalkich dzion trymajecca na ŭzroŭni +8°C i vyšej. Heta standartnaja ŭmova dla zakančeńnia aciaplalnaha siezona.
U Mazyry aciapleńnie taksama adklučajuć u žyłych damach, internatach i bolšaści hramadskich ustanoŭ, ale ŭ škołach i dziciačych sadkach jaho pakul pakidajuć.
Rašeńnie pra adklučeńnie ciapła ŭ kožnym rehijonie prymajuć miascovyja ŭłady ŭ zaležnaści ad nadvorja.
Čytajcie taksama:
Žłobinski mužčyna chavaŭsia ad sudovych vykanaŭcaŭ u lasnym šałašy
U Minsku ŭ niekatorych damach adklučać chałodnuju vadu
Draŭlany kanstruktyvizm pad koŭš: u Hrodnie źniščyli adzin histaryčny dom i ŭzialisia za druhi