Hałoŭny trenier handbolnaha kłuba «Miaškoŭ» pamior va ŭzroście 50 hadoŭ
Pra śmierć Eduarda Kakšarova paviedamiła pres-słužba kłuba
HK «Miaškoŭ»
«Z hłybokim smutkam paviedamlajem, što na 51‑m hodzie žyćcia raptoŭna pajšoŭ z žyćcia hałoŭny trenier našaha handbolnaha kłuba, alimpijski čempijon, čempijon śvietu, pieramožca Lihi čempijonaŭ — Eduard Kakšaroŭ. Heta niepapraŭnaja strata dla ŭsioj handbolnaj siamji, vialiki šok dla suśvietnaj handbolnaj hramadskaści», — havorycca ŭ spačuvańni kłuba.
Eduard Kakšaroŭ naradziŭsia ŭ 1975 hodzie ŭ rasijskim Krasnadary. Byŭ kapitanam zbornaj Rasii pa handbole, čempijonam śvietu 1997 hoda, alimpijskim čempijonam 2000 hoda.
U 2017‑2020 hadach — hałoŭny trenier zbornaj Rasii, treniravaŭ makiedonski «Vardar», paśla «Rastoŭ-Don».
Z sakavika 2023 hoda ŭznačaliŭ kłub «Miaškoŭ Brest». U 2023 i 2024 hadach pryvioŭ kłub da pieramohi ŭ čempijanacie Biełarusi, a ŭ červieni 2023 hoda razam z kamandaj vyjhraŭ turnir SEHA League.