Pradprymalnik, źviazany z atačeńniem Łukašenki, vałodaje adnym z samych darahich restaranaŭ u Vilni i hatelem u Trokach
Artur Hranc, biźniesmien ź biełaruskim i armianskim hramadzianstvami, jaki vałodaje adnym z samych darahich restaranaŭ Vilni — HeJi — i raskošnym hatelem Esperanza Resort, źviazany z pradpryjemstvam biełaruskaha režymu, paviedamiŭ Adździeł žurnalisckich rasśledavańniaŭ LRT.
Fota: Google.maps
Pavodle vynikaŭ sumiesnaha rasśledavańnia z «Biuro», kampanija Hranca Mello Trading, zarehistravanaja ŭ Litvie, pracuje ŭ siehmiencie biaspošlinnaha handlu ŭ Biełarusi, dzie razam z kampanijaj Dipmarket, jakaja naležyć administracyi Alaksandra Łukašenki, vałodaje sietkaj kram Belamarket Duty Free.
Hetaja kampanija vałodaje sietkaj z bolš jak 30 kram u Biełarusi. 50,1% akcyj kampanii naležać Mello Trading Hranca, a astatniaja častka — kampanii, jakaja naležyć administracyi Łukašenki.
Niahledziačy na śćviardžeńni kampanii Mello Trading, jakaja naležyć Arturu Hrancu, pra toje, što ciapier jana nie pracuje ŭ Biełarusi, pavodle danych Centra rejestraŭ, jaje letašni prybytak ad kram biaspošlinnaha handlu ŭ Biełarusi skłaŭ 2 młn jeŭra.