Biełaruś – Kareja – 1:0
Nacyjanalnaja zbornaja Biełarusi pa futbole vyjhrała ŭ tavaryskim matčy ŭ kamandy Paŭdniovaj Karei – 1:0 (Siarhiej Kiślak, 53-ja chvilina). Matč prajšoŭ u niadzielu, 30 maja, u aŭstryjskim Kufštajnie.
Zbornaja Paŭdniovaj Karei - udzielnicu čempijanatu śvietu pa futbole, što startuje 11 červienia ŭ Paŭdniovaj Afrycy. Karejskaja zbornaja zhulaje ŭ adnoj hrupie z kamandami Arhienciny, Nihieryi i Hrecyi.
Nahadajem, što ŭ čaćvier, 27 maja, padapiečnyja Biernda Štanhie tamsama ŭ Aŭstryi zhulali ŭničyju ź jašče adnym udzielnikam čempijanatu śvietu zbornaj Handurasa – 2:2.
2 červienia (sierada) zbornaja Biełarusi ŭ Minsku praviadzie tavaryski matč sa zbornaj Šviecyi (pačatak u 20:30).
Šviedy nie prabilisia na čempijanat śvietu.
11 žniŭnia ŭ Kaŭnasie biełarusy zhulajuć ź Litvoj.
Adboračny turnir da čempijanatu Jeŭropy – 2012 startuje ŭ vieraśni.
Pieršy matč zbornaja Biełarusi praviadzie ŭ haściach suprać Francyi (3 vieraśnia). 7 vieraśnia ŭ Minsku – matč z Rumynijaj.