12 amierykanskich vajskoŭcaŭ paranienyja ŭ vyniku ataki na avijabazu ŭ Saudaŭskaj Aravii
Dvoje sałdat atrymali ciažkija ranieńni.
Samalot KC-135 ilustracyjnaje fota: Nicolas Economou/NurPhoto via Getty Images
Jak minimum 12 amierykanskich vajskoŭcaŭ atrymali ranieńni ŭ vyniku ŭdaru Irana pa avijabazie prynca Sułtana ŭ Saudaŭskaj Aravii, pišuć The New York Times i The Wall Street Journal.
Dvoje sałdat atrymali ciažkija ranieńni. Paciarpiełyja znachodzilisia ŭnutry budynka, u jaki trapiła jak minimum adna rakieta.
U atacy taksama ŭdzielničała niekalki bieśpiłotnikaŭ, paviedamili surazmoŭcy haziet. Pavodle ich danych, značnyja paškodžańni atrymali jak minimum dva samaloty-zapraŭščyki KC-135.
Heta adzin z samych surjoznych udaraŭ pa amierykanskaj supraćpavietranaj abaronie za miesiac vajny ź Iranam.