Hałoŭčanka zapeŭnivaje, što na biełaruski rubiel suśvietnaja situacyja nie ŭpłyvaje
Kurs biełaruskaha rubla zastajecca stabilnym, a surjoznych uzrušeńniaŭ na valutnym rynku nie čakajecca. Pra heta zajaviŭ staršynia praŭleńnia Nacbanka Raman Hałoŭčanka. Pavodle jaho słoŭ, niahledziačy na napružanuju situacyju ŭ śviecie, unutry krainy valutny rynak adčuvaje siabie davoli spakojna.
Raman Hałoŭčanka. Fota: BiełTA
Što tyčycca vahańniaŭ kursa, to jany, pavodle słoŭ Hałoŭčanki, absalutna naturalnyja. Na valutu ŭpłyvaje mnostva faktaraŭ: ad źniešniaj ekanomiki da ŭnutranaha popytu. Pry hetym Nacbank nie ŭmiešvajecca ŭ farmiravańnie kursa niepasredna: jon składvajecca na rynku.
Adnak kali situacyja pačnie vychodzić z-pad kantrolu, u rehulatara jość instrumienty, kab zhładzić rezkija skački.
«Ale pakul my ich nie zadziejničajem, tamu što surjoznych uzrušeńniaŭ na valutnym rynku nie pradbačycca», — padkreśliŭ Raman Hałoŭčanka.
Čytajcie taksama:
Dalar znoŭ apuściŭsia nižej za try rubli
Nafta daražeje, ale rasijski rubiel i ŭśled za im biełaruski — tańniejuć. Voś čamu tak adbyvajecca