Jość tolki vosiem biełaruskich haradoŭ, jakija nie vymirajuć. Voś poŭny śpis
I jašče jość siem pasiołkaŭ haradskoha typu, u jakich taksama pavialičvacca nasielnictva.
Ratuša z Čačersku. Fota: Wikipedia / Uładzimir Sarokin
Kolkaść nasielnictva Biełarusi za 2025 hod skaraciłasia na 53 tysiačy čałaviek. Źmienšyłasia kolkaść žycharoŭ i ŭ Minsku, i ŭ absalutnaj bolšaści haradoŭ. Ale ŭsio ž jość niekalki pazityŭnych vyklučeńniaŭ.
Naličyłasia tolki vosiem haradoŭ, jakija pryraśli ŭ minułym hodzie:
| № | Horad | pa stanie na 1.1.2025 | pa stanie na 1.1.2026 | Pryrost |
| 1 | Hrodna | 363 718 | 364 902 | +1184 |
| 2 | Brest | 346 061 | 347 138 | +1077 |
| 3 | Smalavičy | 23 721 | 24 402 | +681 |
| 4 | Astraviec | 15 265 | 15 530 | +265 |
| 5 | Čačersk | 8 926 | 8 958 | +32 |
| 6 | Fanipal | 18 684 | 19 006 | +22 |
| 7 | Červień | 10 595 | 10 617 | +22 |
| 8 | Dubroŭna | 6 945 | 6 946 | +1 |
Lidary pa pryroście — zachodnija abłasnyja centry. Taksama ŭ plusie harady vakoł Minska. A taksama Astraviec, nasielnictva jakoha niaspynna raście ad momantu budaŭnictva AES.
Adznačym Małarytu, dzie raŭniusieńka trymajucca tyja samyja 12 593 čałaviek, što i hod tamu.
Aproč taho, varta zhadać siem pasiołkaŭ haradskoha typu, jakija taksama pryraśli za 2025 hod.
| № | Pasiołak haradskoha typu | pa stanie na 1.1.2025 | pa stanie na 1.1.2026 | Pryrost |
| 1 | Mačuliščy | 10653 | 10869 | +236 |
| 2 | Mir | 2248 | 2290 | +42 |
| 3 | Damačava | 1136 | 1162 | +26 |
| 4 | Haradzieja | 3563 | 3576 | +13 |
| 5 | Kazłoŭščyna (Dziatłaŭski rajon) | 1437 | 1442 | +5 |
| 6 | Starobin | 6417 | 6418 | +1 |
| 7 | Ivianiec | 3805 | 3806 | +1 |
Situacyja z Mačuliščami tłumačycca prosta — dastatkova adnaho novaha zasielenaha šmatpaviarchovika, kab atrymać taki pryrost nasielnictva. Ad Mačuliščaŭ usiaho 5 km da MKADa, tamu pasiołak možna ŭsprymać jak praciah Minska.
Aproč taho, chutčej za ŭsio, tradycyjna pavialičyłasia nasielnictva «viosak» vakoł Minska nakštałt Kopišča, jakoje pa sutnaści źjaŭlajecca častkaj stalicy, ale farmalna adnosicca da Minskaha rajona. Adnak sielskija nasielenyja punkty nie ŭvachodziać u štohadovuju spravazdaču Biełstata. Ahułam ža nasielnictva Minskaha rajona vyrasła na 6500 čałaviek.