Kolkaść nasielnictva Homiela apuściłasia nižej za 500 tysiač
Apošni raz takoje było ŭ 2010 hodzie.
Homiel. Fota z sacsietak
Pa stanie na 1 studzienia 2026 hoda aficyjnaja kolkaść nasielnictva Homiela — druhoha pa vieličyni horada Biełarusi — skłała 499 853 čałaviek. Heta značyć, što ŭpieršyniu z 2010 hoda ličba apuściłasia nižej za paŭmiljona čałaviek.
Kolkaść nasielnictva Homiela rasła da razvału SSSR, pa stanie na 1989 hod u horadzie naličvałasia 512 tysiač čałaviek. Na praciahu 1990— 2000‑ch ličba trymałasia nižej za simvaličnuju miažu, a ŭ 2011‑m vyrasła znoŭ.
Pikam dla Homiela staŭ 2018 hod — amal 536 tysiač čałaviek. A ciapier znoŭ pačałosia vymirańnie nasielnictva.