U minskim mietro čałaviek zachacieŭ nabyć adrazu 3 tysiačy žetonaŭ
U suviazi z pavyšeńniem koštu prajezdu ŭ hramadskim transparcie z 27 sakavika 2026 hoda ŭ minskim mietro nazirajecca padvyšany popyt na žetony, paviedamiła pres-słužba mietrapalitena.
Fota: Minski mietrapaliten
Pry hetym zafiksavany navat adzin zusim niezvyčajny vypadak — adzin čałaviek chacieŭ kupić adrazu 3 tysiačy žetonaŭ. Ci zadavolili jaho prośbu — nie paviedamlajecca.
Mietrapaliten u suviazi z hetym nahadvaje pasažyram, što nabytyja žetony viartańniu nie padlahajuć.
Taksama jon źviartaje ŭvahu na alternatyvu nazapašvańniu žetonaŭ — nabyćcio prajaznych na peŭnuju kolkaść pajezdak, kali košt adnoj pajezdki atrymlivajecca nižejšy.
Akramia taho, možna nabyć adziny prajazny dakumient, jaki dziejničaje na ŭsie vidy haradskoha transpartu.
Čytajcie taksama:
Paśla Minska košt prajezdu ŭ hramadskim transparcie padaražeje i ŭ rehijonach
U čatyroch abłaściach Biełarusi vyraśli ceny na prajezd hramadskim transpartam