Błohier-kanśpirołah Virus znajšoŭ novuju pracu
Kaža, što ciapier zarablaje kala 25 dalaraŭ na dzień.
Vital Kandracienka
Błohier Vital Kandracienka, viadomy pad nikam Virus, apošnija hady žyvie va Ukrainie. Jon źjechaŭ ź Biełarusi jašče da vybaraŭ, u červieni 2020 hoda, aścierahajučysia administratyŭnaha pratakoła. I ŭrešcie asieŭ u Užharadzie.
Čytajcie taksama: Chto taki błohier-kanśpirołah Virus, jaki štodnia abražaje i plažyć biełaruski demakratyčny ruch?
U intervju rasijskaj «Socie» Kandracienka raskazaŭ, što ŭładkavaŭsia ŭ dastaŭku.
«Zaraz ja zajmajusia błoham, ale, akramia hetaha, pracuju ŭ dastaŭcy. To-bok, skažam, ja vyjazdžaju i za dzień vykonvaju 5—6 zakazaŭ, atrymlivaju 1200 hryŭniaŭ ($27 — NN)», — patłumačyŭ jon. Virus kaža, što praca pačynajecca a 10‑j ranku. I niedzie ŭ 16:00 jae ŭdajecca skončyć.
Raniej Kandracienka raskazvaŭ u svaim błohu, što pracuje na STA. Jon vystaŭlaŭ zdymki z aŭtaservisu RS servis, jaki znachodzicca na ŭskrajku Užharada.