Na terytoryi Rumynii raźbiŭsia rasijski bieśpiłotnik
Siońnia nočču ŭ Rumynii raźbiŭsia rasijski bieśpiłotnik, jaki pierad tym byŭ padbity ŭkrainskaj sistemaj supraćpavietranaj abarony, paviedamlaje Ministerstva abarony Rumynii.
Jak raspaviali ŭ rumynskim abaronnym viedamstvie, rasijskija vojski z dapamohaj dronaŭ atakavali hramadzianskija abjekty i infrastrukturu va Ukrainie, pablizu račnoj miažy z Rumynijaj.
Dva samaloty F-16 uźlacieli dla manitorynhu pavietranaj situacyi. «U 00:44 dron, źbity ŭkrainskaj SPA, uvajšoŭ u nacyjanalnuju pavietranuju prastoru na adlehłaść kala 4 kiłamietraŭ. Dron raźbiŭsia ŭ 2 km ad horada Parčeš, za miežami nasielenaha punkta», — paviedamili ŭ rumynskim Minabarony.
Ab achviarach nie paviedamlałasia.
Nahadajem, 25 sakavika nieviadomy bieśpiłotnik zalacieŭ na terytoryju Łatvii i raźbiŭsia tam. Paviedamlałasia, što dron zalacieŭ z Rasii. Dron identyfikavali jak ukrainski.
Taksama toj nočču drony zalacieli na terytoryju Estonii.