Sieviaryniec raskazaŭ, jak u škłoŭskaj kałonii sačyli, kab jon na Dzień Voli nie vyviesiŭ bieł-čyrvona-bieły ściah
Eks-palitviazień u svaim fejsbuku raskazaŭ, jak prajšło 25 Sakavika ŭ 2023 hodzie ŭ škłoŭskaj kałonii.
«25 sakavika 2023 hoda, kałonija ŭ Škłovie. U carkvie jakraz dzień našaha atradu, viazień-psałomščyk čytaje malitvu, ja adzin staju pierad ałtarom, malusia.
Zachodzić major Siamionaŭ (na Škłovie i ŭ mahiloŭskaj PK 15 jaho dobra pamiatajuć, rehularna «adstrelvaŭ» palityčnych).
Zachodzić, stanovicca pobač. Moŭčki staić usiu malitvu. Pahladvaje na mianie. Nu, dumaju, moža, i ŭ Siamionava ŭ sercy niešta zastałosia. Vuń pryjšoŭ, staić pierad Boham.
Malitva zakančvajecca. Žahnajusia, adčuvaju, što niešta treba skazać tamu Siamionavu — usio-taki dzie dvoje ci troje sabralisia ŭ imia Isusa, tam i Jon pasiarod nas.
— Hramadzianin načalnik… Vy ž u Boha vierycie?
— Osuždiennyj Sievieriniec. Ja tut stojał, čtoby vy na vaš Dień Voli bieło-krasno-biełyj fłah na cierkvi nie poviesili», — napisaŭ Pavieł Sieviaryniec.