Łukašenka adpuskaje litoŭskija fury
Jany stajali na terytoryi Biełarusi ź listapada 2025 hoda — pakul nie pryjechaŭ Koŭł.
Łukašenka pryniaŭ rašeńnie ab mahčymaści vyjezdu fur ź litoŭskaj rehistracyjaj.
Takija transpartnyja srodki ź listapada 2025 hoda znachodziacca na terytoryi Biełarusi paśla zakryćcia Litvoju biełaruska-litoŭskaj miažy.
U ciapierašni čas na śpiecyjalna abstalavanych placoŭkach raźmieščana bolš za 1900 transpartnych srodkaŭ, u tym liku ciahačoŭ, pryčepaŭ i paŭpryčepaŭ, paviedamlajuć biełaruskija mytniki.
Transpartnyja srodki na litoŭskaj rehistracyi zmohuć pakidać terytoryju Biełarusi praź litoŭski napramak, litoŭskija transpartnyja srodki, jakija faktyčna naležać polskim pieravozčykam, zmohuć vyjazdžać u tym liku i praz polski napramak, paviedamlaje DMK.
Mytniki dadajuć, što apłata za zachavańnie fur «u razy nižejšaja za vyznačanuju raniej» — raniej Łukašenka nazvaŭ canu ŭ 120 jeŭra ŭ sutki. Kali hrošy zapłacili — transpartnyja srodki mohuć užo vyjazdžać.
Paśla vizitu śpiecpasłańnika ZŠA Džona Koŭła, Alaksandr Łukašenka paabiacaŭ, što hruzaviki pačnuć viartać. Litoŭski ŭrad da pieramovaŭ ź Biełaruśsiu na hety kont tak i nie pajšoŭ.