Pamior ukrainski patryjarch Fiłaret
«Pamior patryjarch Fiłaret va ŭzroście 97 hadoŭ», — pra śmierć paviedamiŭ kiraŭnik Pravasłaŭnaj carkvy Ukrainy mitrapalit Jepifanij.
Patryjarch Fiłaret (Michajła Dzienisienka) z 1995 hoda pa 2019 hod uznačalvaŭ Ukrainskuju pravasłaŭnuju carkvu Kijeŭskaha patryjarchata z tytułam «Patryjarch Kijeŭski i ŭsioj Rusi — Ukrainy».
Z 1966 pa 1990 hod — mitrapalit Kijeŭski i Halicki, patryjaršy ekzarch usioj Ukrainy, zatym — kiraŭnik Ukrainskaj pravasłaŭnaj carkvy (Maskoŭskaha patryjarchatu). Byŭ adnym z kandydataŭ na patryjaršy prastoł padčas vybaraŭ patryjarcha Maskoŭskaha na Pamiesnym sabory ŭ červieni 1990 hoda, ale tady abrali kiraŭnikom RPC Alaksieja II.
U 1992 hodzie razam z častkaj duchavienstva i viernikaŭ pakinuŭ RPC, stvaryŭšy Ukrainskuju pravasłaŭnuju carkvu Kijeŭskaha patryjarchata.
U śniežni 2018 hoda jon atrymaŭ tytuł hanarovaha patryjarcha Pravasłaŭnaj carkvy Ukrainy. U 2019 hodzie Fiłaret byŭ udastojeny zvańnia Hieroja Ukrainy.