U Minsku za chabar zatrymali kiraŭnikoŭ bujnoha pradpryjemstva

Pres-słužba MUS paviedamiła pra zatrymańnie ŭ Minsku dvuch kiraŭnikoŭ bujnoha pramysłovaha pradpryjemstva za atrymańnie chabaru. Jany nibyta atrymlivali hrošy za toje, kab uklučać pasiarednikaŭ u łancužok pastavak.

Skrynšot ź videa

Nazva pradpryjemstva pakul nie raskryvajecca, ale viadoma, što jano źjaŭlajecca adnym z najbujniejšych vytvorcaŭ alejnatłuščavaj pradukcyi. Mahčyma, majecca na ŭvazie marharynavy zavod. 

Pavodle infarmacyi śledstva, kiraŭniki brali chabar za arhanizacyju zakupak syraviny praz pasiarednikaŭ, a taksama za prodaž pradukcyi na ekspart pa zanižanych cenach. Kab schavać svaju dziejnaść, jany dziejničali pa schiemie «dobraha i drennaha kiraŭnika», što dazvalała nie vyklikać padazreńniaŭ u supracoŭnikaŭ i partnioraŭ. Atrymanyja hrošy jany dzialili pamiž saboj.

Raniej u Biełarusi ŭžo nieadnarazova zajaŭlali pra ŭzmacnieńnie baraćby z karupcyjaj i nieabhruntavanym pasiarednictvam. Siłavym orhanam Łukašenka tydzień tamu jaki ŭžo raz daručyŭ žorstka spyniać takija parušeńni, až da źmiaščeńnia padazravanych pad vartu.

Kamientary da artykuła