Karty Alfa Banka pierastali pracavać za miažoj
Alfa Bank paviedamiŭ, što jaho karty raptoŭna pierastali pracavać za miažoj. Karty płaciežnaj sistemy Visa u krainach ES, Vialikabrytanii, Isłandyi, Lichtenštejnie, Narviehii. Jašče pazaŭčora pracavali, a ciapier užo nie.
«U liście, jaki atrymaŭ bank ad płaciežnaj sistemy, skazana — heta źviazana z sankcyjami».
Heta aznačaje, što ŭ ES, a taksama ŭ Vialikabrytanii, Isłandyi, Lichtenštejnie, Narviehii:
- u bankamatach źniać najaŭnyja nie atrymajecca;
- tranzakcyi nie buduć prachodzić u kramach, internet-kramach i anłajn-servisach.
Nie zmožacie pieravieści hrošy ŭ lubych servisach pieravodaŭ (z karty na kartu). Kali vy karystajeciesia mižnarodnymi servisami z pryviazkaj apłaty kartaj, to navat u krainach, dzie karta Visa Alfa Banka pracuje, vaš płaciož moža nie prajści.
Naprykład, u Tbilisi vy pryvykli karystacca mižnarodnym servisam taksi, a płaciažy ŭ jaho prachodziać praz Łondan. I heta značyć, što kali ŭ vas pryviazana Visa Alfa Banka — vašu apłatu nie prymuć.
Voś dzie karty karty Visa «Alfa Banka» nie buduć pracavać: Aŭstryja, Bielhija, Bałharyja, Vienhryja, Hiermanija, Hrecyja, Danija, Irłandyja, Ispanija, Italija, Kipr, Łatvija, Litva, Luksiemburh, Malta, Niderłandy, Polšča, Partuhalija, Rumynija, Słavakija, Słavienija, Finlandyja, Francyja, Charvatyja, Čechija, Šviecyja, Estonija, Vialikabrytanija, Isłandyja, Lichtenštejn, Narviehija.
Alfa Bank piša: «My zrabili nievialikuju instrukcyju, kab vy adčuvali siabie kamfortna tam, dzie mohuć uźniknuć prablemy».
Instrukcyja tolki z dvuch sposabaŭ:
- pieraviadzicie hrošy na kartu inšaha biełaruskaha banka;
- vykarystoŭvajcie karty Mastercard.