Minčanka padziakavała słužbie biaśpieki mietrapalitena za nadhlad rečaŭ syna
Zvyčajna pracedura nadhladu nie vyklikaje ŭ pasažyraŭ stanoŭčych emocyj. Ale, kali vieryć pres-słužba mietrapalitena, z hetaj nahody tam atrymali padziaku ad minčanki.
Na elektronnuju poštu Minskaha mietrapalitena pryjšoŭ list, u jakim Taćciana M. vykazała padziaku za nadhlad rečaŭ jaje syna na adnoj sa stancyj mietro, havorycca ŭ paviedamleńni.
Jak piša kanał mietrapalitena, padčas pravierki rečaŭ inśpiektar słužby biaśpieki znajšoŭ u zaplečniku maładoha čałavieka klučy ad kvatery, jakija ličylisia zhublenymi, — jany zavalilisia za padkładku.
«Tak što, niečakana, nadhlad akazaŭsia karysnym. Chaču dadać sa svajho dośviedu, što rabotniki słužby biaśpieki mietrapalitena zaŭsiody pavodziać siabie karektna i nie zatrymlivajuć pasažyra pa časie», — nibyta tak, pavodle paviedamleńnia presavaj słužby, zaviaršyła svoj list Taćciana.