«My pačali hetu vajnu pad upłyvam izrailskaha łobi». Dyrektar Antyterarystyčnaha centra ZŠA pajšoŭ u adstaŭku ŭ znak pratestu

Kiraŭnik Nacyjanalnaha kontrterarystyčnaha centra ZŠA Džo Kient padaŭ u adstaŭku, bo nie pahadziŭsia z vajnoj suprać Irana. Pra svajo rašeńnie jon paviedamiŭ u sacsietcy X.

Džo Kient. Fota: Wikimedia Commons

«Paśla doŭhich rozdumaŭ ja pryniaŭ rašeńnie pajści ŭ adstaŭku z pasady dyrektara Nacyjanalnaha kontrterarystyčnaha centra, pačynajučy ź siońniašniaha dnia. Ja nie mahu z čystym sumleńniem padtrymlivać vajnu ŭ Iranie, jakaja praciahvajecca. Iran nie ŭjaŭlaŭ niepasrednaj pahrozy dla našaj krainy, i vidavočna, što my pačali hetu vajnu pad ciskam Izraila i jaho ŭpłyvovaha amierykanskaha łobi», — napisaŭ Džo Kient.

Svaju zajavu ab adstaŭcy jon nakiravaŭ prezidentu ZŠA.

Nacyjanalny kontrterarystyčny centr — heta struktura, jakaja zajmajecca analizam i kaardynacyjaj baraćby z teraryzmam pamiž roznymi amierykanskimi viedamstvami. Jon uvachodzić u sistemu nacyjanalnaj raźviedki i padparadkoŭvajecca jaje kiraŭniku. Centr byŭ stvorany ŭ 2004 hodzie, kab paśla terakta 11 vieraśnia 2001 hoda palepšyć uzajemadziejańnie amierykanskich śpiecsłužbaŭ.

Kamientary da artykuła