Pad Hrodnam adnaŭlajuć tury dryzinaj pa vuzkakalejcy

U zakaźniku «Aziory» pad Hrodnam znoŭ buduć pravodzić ekskursii na dryzinie pa vuzkakalejnaj čyhuncy. Jany pačnucca z 14 krasavika, piša Times.by.

Fota: 750mm.by

Maršrut maje nazvu «Zapaviedny šlach». Jon prachodzić praz małaludnyja i niekranutyja miescy — lasy, bałoty i łuhi. Na adnosna nievialikaj terytoryi možna ŭbačyć roznyja typy lasoŭ: sasnovyja, jałovyja, dubovyja, a taksama klanovyja i hrabavyja. U hetych miaścinach žyvuć redkija vidy ptušak i žyvioł.

Padčas padarožža praduhledžanyja prypynki: možna padniacca na piasčanyja ŭzvyššy, pieraadoleć vodnyja ŭčastki i palubavacca krajavidami voziera Biełaje z doŭhaha mosta, jaki prachodzić prosta praz voziera.

Uzdoŭž maršrutu ŭstalavanyja infarmacyjnyja stendy, dzie možna daviedacca pra pryrodu i historyju hetych miaścin.

Fota: 750mm.by

Daŭžynia maršrutu składaje kala 20 kiłamietraŭ, a pajezdka zajmaje prykładna 2,5—3 hadziny. Košt dla darosłych — 60 rubloŭ, dla dziaciej ad 8 da 12 hadoŭ — 30 rubloŭ. Dziaciej, mienšych za 8 hadoŭ, da ekskursii nie dapuskajuć.

Ekskursii buduć pravodzicca dvojčy na dzień — u 11:00 i 14:00, z aŭtorka pa niadzielu. Paniadziełak — vychadny.

Fota: 750mm.by

Heta vuzkakalejka była pabudavanaja ŭ 1956 hodzie dla pracy torfapradpryjemstva. Paźniej, paśla taho jak zapasy torfu vyčarpalisia, ruch pa joj spynili, a častku puciej razabrali. Ciapier jaje vykarystoŭvajuć jak turystyčny maršrut.

Kamientary da artykuła