Na mikaševickim «Hranicie» padčas pracy zahinuŭ rabočy
U Łuninieckim rajonie zahinuŭ 41‑hadovy rabočy ź Mikaševičaŭ. Pra heta paviedamiła miascovaje vydańnie Łuniniec.online sa spasyłkaj na rajonny adździeł Śledčaha kamiteta.
Fota ilustracyjnaje
Mužčyna pracavaŭ u karjery «Mikaševičy» pradpryjemstva «Hranit» pamočnikam mašynista. Trahiedyja adbyłasia viečaram 13 sakavika padčas pieramiaščeńnia buravoj ustanoŭki.
Pa słovach jahonaha naparnika, zahinuły sačyŭ za kabielem, jaki znachodziŭsia zzadu techniki. Kali ŭstanoŭka spyniłasia, mužčynu znajšli biez prytomnaści ź ciažkaj traŭmaj. Miedyki, jakija prybyli na miesca, kanstatavali śmierć.
Abstaviny trahiedyi vyśviatlajucca. Pa fakcie zdareńnia zaviali kryminalnuju spravu pa artykule ab pryčynieńni śmierci pa nieaściarožnaści.
Čytajcie taksama:
Na pažary ŭ Haradockim rajonie zahinuli dva čałavieki
U Dobrušskim rajonie ratavalniki dastali z-pad lodu cieła rybaka