Iran staŭ bić pa adździaleńniach amierykanskich bankaŭ na Blizkim Uschodzie
Iranskija bieśpiłotniki atakavali adździaleńni amierykanskaha banka Citibank u Dubai i ŭ stalicy Bachrejna Manamie. Pra heta paviedamiła iranskaje ahienctva Tasnim.
Zdymak ilustracyjny. Fota: tasnimnews.ir
Korpus vartavych isłamskaj revalucyi (KVIR) paćvierdziŭ udary i zajaviŭ, što jany stali adkazam na niadaŭnija ataki suprać dvuch iranskich bankaŭ. Pradstaŭnik KVIR Ali Machamad Naini papiaredziŭ, što kali padobnyja dziejańni paŭtoracca, to ŭsie adździaleńni amierykanskich bankaŭ u rehijonie mohuć stać zakonnymi celami.
Raniej, 11 sakavika, u irakskim porcie Chor-el-Zubajr dva marskija bieśpiłotniki ŭrezalisia ŭ amierykanski tankier Safesea Vishnu. U momant ataki sudna pierahružała kala 53 tysiač ton nafty. Paśla mocnaha vybuchu zahareŭsia levy bort karabla. Z 28 členaŭ ekipaža ŭsie byli vymušanyja skakać u vadu, adzin čałaviek zahinuŭ. Kampanija-apieratar Safesea Group ź Ńju-Džersi zajaviła, što napad byŭ naŭmysnym i zahadzia spłanavanym.
Pavodle źviestak Reuters, z pačatku vajny ZŠA i Izraila suprać Irana ŭžo nie mienš za 16 tankieraŭ i inšych sudnaŭ u Piersidskim zalivie padvierhlisia atakam. Jašče sotni karabloŭ spynilisia na jakary, bajučysia ŭdaraŭ u Armuzskim pralivie abo pobač ź im. Praz hety praliŭ prachodzić kala piataj častki suśvietnych pastavak nafty.
Čytajcie taksama:
Tehieran: Terytoryja Ukrainy stała zakonnaj cellu dla Irana
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
CHAMAS zaklikaŭ Iran ustrymacca ad zapusku rakiet i bieśpiłotnikaŭ pa krainach Piersidskaha zaliva
Ekśpiert nazvaŭ try scenaryi zaviaršeńnia vajny suprać Irana
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty