U Rasii abjavili zamiežnaj ahientkaj praŭnučku Chruščova
Ministerstva justycyi Rasii 13 sakavika ŭklučyła ŭ rejestr «zamiežnych ahientaŭ» prafiesarku Ninu Chruščovu — praŭnučku kolišniaha pieršaha sakratara CK KPSS Mikity Chruščova. Jana žyvie ŭ ZŠA i pracuje ŭ Novaj škole ŭ Ńju-Jorku.
Nina Chruščova. Fota: Center for the Study of Europe Boston University / Flickr
Nina Chruščova naradziłasia ŭ 1963 hodzie ŭ Maskvie, skončyła fiłałahičny fakultet MDU, a ŭ pačatku 1990‑ch pierajechała ŭ ZŠA, dzie žyvie dahetul. Jana nieadnarazova krytykavała ŭłady Rasii, asudžała anieksiju Kryma i raźviazanuju Rasijaj vajnu va Ukrainie.
U intervju Kaciarynie Hardziejevaj u lutym Chruščova nazvała pieradaču Kryma Ukrainskaj SSR u časy kiravańnia jaje pradzieda «mieniedžarskim» rašeńniem prezidyuma Viarchoŭnaha Savieta SSSR i vykazała mierkavańnie, što heta było zroblena dla «pryviazki» Ukrainy da Rasii.
Deputat Dziaržaŭnaj dumy ad anieksavanaha Kryma Michaił Šaramiet zajaviŭ tady, što słovy Chruščovaj pramoŭlenyja «ŭ duchu zdradnikaŭ Rasii».
Čytajcie taksama:
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Pucin prapanavaŭ Jeŭropie znoŭ kuplać u jaho naftu i haz
«Kche-kche». Kreml vypadkova apublikavaŭ nieadredahavanaje videavinšavańnie Pucina z 8 sakavika