Amierykanski samalot-zapraŭščyk raźbiŭsia na zachadzie Iraka
Amierykanski samalot-zapraŭščyk KS-135 paciarpieŭ krušeńnie na zachadzie Iraka. Prairanskaja hrupoŭka zajaviła, što źbiła jaho.
KC-135. Ilustracyjnaje fota Military Times
Pavodle paviedamleńnia Centralnaha kamandavańnia Uzbrojenych sił ZŠA, incydent adbyŭsia «ŭ družalubnaj pavietranaj prastory» na zachadzie Iraka.
Prairanskaja hrupoŭka «Isłamski supraciŭ u Iraku», paviedamiła, što źbiła samalot «u abaronu suvierenitetu i pavietranaj prastory našaj krainy».
Na borcie samalota-zapraŭščyka, jaki raźbiŭsia, znachodzilisia «da šaści vajskoŭcaŭ», piša Reuters. Nieviadoma, ci zastalisia jany žyvymi.