Novy viarchoŭny lidar Irana moža nie źjaŭlacca na publicy z-za ranieńniaŭ

Pavodle iranskich krynic, Chamieniei atrymaŭ ranieńni, u tym liku noh.

Fota: Morteza Nikoubazl/NurPhoto via Getty Images

Jak piša The New York Times sa spasyłkaj na troch iranskich čynoŭnikaŭ, pryčyna, čamu Madžtaba Chamieniei da hetaha času nie vystupaŭ publična, moža być nie tolki ŭ ryzycy raskryćcia jaho miescaznachodžańnia dla atak.

Pavodle krynic, Chamieniei atrymaŭ ranieńni, u tym liku noh, ale znachodziŭsia ŭ śviadomaści i chavaŭsia ŭ abaronienym miescy z abmiežavanaj suviaźziu.

Dva izrailskija vajennyja čynoŭniki zajavili NYT, što infarmacyja, sabranaja CACHAŁ, taksama pryviała abaronnaje viedamstva da vysnovy, što Chamieniei atrymaŭ traŭmy noh 28 lutaha — jašče da vybaru na pasadu zamiest baćki.

Syn iranskaha prezidenta Masuda Piezieškijana abvierh danyja vydańnia i ŭ svaim kanale ŭ telehramie zajaviŭ, što novy viarchoŭny lidar Irana «u biaśpiecy i ŭ paradku».

«Ja čuŭ naviny pra toje, što spadar Madžtaba Chamieniei byŭ paranieny. Ja spytaŭ niekatorych siabroŭ, u jakich jość suviazi. Jany skazali mnie, što, dziakuj Bohu, jon u biaśpiecy i ŭ paradku», — zajaviŭ Jusief Piezieškijan.

Kamientary da artykuła