Zialenski: Struktura rasijskich strat — 62% zabitych i 38% paranienych

Prezident Ukrainy Uładzimir Zialenski paviedamiŭ pra dakład, zrobleny jamu kiraŭnikom Hałoŭnaha ŭpraŭleńnia raźviedki Aleham Ivaščankam. Siarod inšaha jon zhadaŭ pra važnyja dakumienty, zdabytyja ŭkrainskaj raźviedkaj nakont acenki Rasijaj svaich strat na poli boju.

Uładzimir Zialenski z Aleham Ivaščankam. Fota: t.me/V_Zelenskiy_official

«Zafiksavana źmiena suadnosin zabitych i paranienych rasijan, a mienavita sa 100% strat 62% zabitych i 38% paranienych. Sami rasijanie dajuć u zakrytych aficyjnych dakładach uzrovień svaich strat na 1 miljon 315 tysiač zabitych i ciažka paranienych. Majem padstavy ličyć, što źviestki pra hety ŭzrovień strat źjaŭlajucca zanižanymi», — zajaviŭ Uładzimir Zialenski.

Pavodle apošnich padlikaŭ žurnalistaŭ Ruskaj słužby Bi-bi-si i vydańnia «Miedyjazona» na asnovie adkrytych źviestak, paćvierdžanyja straty Rasii ŭ vajnie suprać Ukrainy pieravysili 200 tysiač čałaviek. Za čatyry hady kanfliktu zahinuli jak minimum 200 186 rasijskich vajskoŭcaŭ.

Kamientary da artykuła