U rasijskaj rakiecie, jakaja ŭdaryła pa Charkavie, znajšli biełaruskija kampanienty

Daradca prezidenta Ukrainy pa pytańniach sankcyjnaj palityki Uładzisłaŭ Ułasiuk paviedamiŭ, što dla niadaŭnich udaraŭ pa Charkavie Rasija prymianiła novuju rakietnuju raspracoŭku, jakaja maje ŭmoŭnuju nazvu «Izdielije 30». Pavodle jaho słoŭ, hetaja rakieta źjaŭlajecca dalejšym raźvićciom kryłataj rakiety Ch-101, ale pry hetym maje istotnyja adroźnieńni ad bazavaj madeli.

Fota: facebook.com/vladyslav.vlasiuk

Akramia čysta techničnych adroźnieńniaŭ, u hetych rakietach udvaja bolšaja bajavaja častka — ciapier jana składaje 800 kh, ź jakich nie mienš za 200 kh — vybuchoŭka.

Pry hetym, niahledziačy na nakładzienyja na Rasiju sankcyi, jana pa-raniejšamu maje mahčymaść vykarystoŭvać dla stvareńnia rakiet kampanienty, stvoranyja va ŭsim śviecie. Jość tam układ i biełaruskaha pradpryjemstva.

«U kampanientnaj bazie my bačym šmat novaha. Siarod zamiežnych kampanientaŭ — kłasičnyja ST Microelectronics, UBlox, Analog Devices, Texas Instruments, a taksama biełaruski «Intehrał».

Navihacyjnaja sistema «Kamieta» na 12 patčaŭ. U składzie — amierykanskija (ci kitajskija?) čypy. Bartavy błok kiravańnia «Bahiet»: u składzie pamiać z Tajvania, kamutacyjny raźjom z Hiermanii, mikraschiemy z ZŠA. Usio, što ŭdałosia, užo daśledavali i pieradali partnioram. Jość kampanienty 2023 hoda vypusku», — paviedamiŭ Ułasiuk.

Kamientary da artykuła