Biełaruskuju fiederacyju tenisa ŭznačalić eks-kiraŭnik BATE
Alaksandr Zacharčanka źmienić na hetaj pasadzie Siarhieja Rutenku.
Anatol Kapski i Alaksandr Zacharčanka, fota FK BATE
52‑hadovy Alaksandr Zacharčanka stanie novym kiraŭnikom Biełaruskaj fiederacyi tenisa, piša Betnews.by.
Mienavita jon budzie pierajemnikam Siarhieja Rutenka, jaki zajmaŭ pasadu ź listapada 2021 hoda i, mahčyma, uznačalić Biełaruskuju fiederacyju baskietboła, jakoj kiruje ministr zamiežnych spraŭ Maksim Ryžankoŭ.
Zacharčanka viadomy pa pracy ŭ FK BATE, dzie doŭhi čas byŭ namieśnikam staršyni praŭleńnia Anatola Kapskaha. Adpaviedna-vybarčaja kanfierencyja Biełaruskaj fiederacyi tenisa projdzie 13 sakavika.
Dva tydni tamu były hulec zbornaj Biełarusi pa handbole i staršynia Biełaruskaj fiederacyi tenisa Siarhiej Rutenka byŭ vyłučany ŭ jakaści kandydata na pasadu staršyni Biełaruskaj fiederacyi baskietboła.
Alaksandr Łukašenka jašče minułaj viasnoj prapanavaŭ źmianić kiraŭnictva Biełaruskaj fiederacyi baskietboła, jakuju ŭznačalvaje ministr zamiežnych spraŭ Maksim Ryžankoŭ.
«Niachaj zajmajecca ministerstvam. A tudy treba znajści mocnaha čałavieka, jaki budzie davać vynik», — kazaŭ tady Łukašenka. Ź jahonych słoŭ, u Ryžankova i tak šmat zadač, a ŭ baskietbole nazirajucca prablemy.