Na miažy z Polščaj zatrymali 317 kiłahramaŭ hašyšu
Biełaruskija mytniki kanfiskavali čarhovuju bujnuju partyju narkatyčnych srodkaŭ. Hetym razam parušalniki sprabavali niezakonna ŭvieźci na terytoryju JEAES 317 kiłahramaŭ hašyšu, paviedamlaje Dziaržaŭny mytny kamitet Biełarusi.
Narkotyki byli schavanyja ŭ śpiecyjalna abstalavanych tajnikach siarod lehalnych tavaraŭ. Hruz prybyŭ z Polščy ŭ hruzaviku polskaha pieravozčyka, jakim kiravaŭ hramadzianin Biełarusi.
Padčas nieadkładnych śledčych dziejańniaŭ biełaruskija mytniki ŭstanavili, što zabaronieny hruz pavinien byŭ dalej nakiravacca ŭ Rasiju. U suviazi z hetym apieratyŭna arhanizavali sumiesnyja apieratyŭna-vyšukovyja mierapryjemstvy z supracoŭnikami Fiederalnaj mytnaj słužby Rasii.
U vyniku na terytoryi Rasii byŭ zatrymany adzin z udzielnikaŭ złačynnaj hrupy — atrymalnik narkotykaŭ. Im akazaŭsia 58‑hadovy hramadzianin Estonii, jaki raniej užo byŭ sudzimy ŭ Rasii za ciažkija złačynstvy.
Apieratyŭnaja mytnia Biełarusi zaviała kryminalnuju spravu ŭ dačynieńni da hrupy asob pavodle častki 2 artykuła 328‑1 Kryminalnaha kodeksa Respubliki Biełaruś, a Paŭnočna-Zachodniaja apieratyŭnaja mytnia Rasii — pavodle častki 4 artykuła 229.1 Kryminalnaha kodeksa Rasijskaj Fiederacyi.
Złačyncam moža pahražać pakarańnie ŭ vyhladzie pazbaŭleńnia voli na termin da 20 hadoŭ.
Čytajcie taksama:
Biełarus pad vyhladam zapčastak pieravoziŭ 111 kiłahramaŭ hašyšu
Praź Biełaruś vieźli 260 kiłahramaŭ hašyšu dla rasijanina
Čaćviora zahinułych ad pieradazirovak — narkadyleru prysudzili 24 hady, jaho žoncy amal stolki ž